Diplomati shqiptar dhe ish-deputeti i PD, Kreshnik Çollaku është emëruar këshilltar për Politikë të Jashtme në kabinetin e presidentes Vjosa Osmani.

Çollaku ka pranuar me kënaqësi ftesën e presidentes për t’u bashkuar me ekipin e saj, duke e cilësuar këtë si një mundësi të re për të kontribuar në shërbim të Kosovës.

Në një postim në rrjetet sociale, ai shprehu krenarinë dhe falënderoi presidenten Osmani për besimin e dhënë.

“Deshira dhe vullneti im per ti sherbyer Kosoves si pjese thelbesore e ceshtjes kombetare shqiptare,me kete angazhim merr nje dimension e mundesi te re,per te cilen i jam mirenjohes e falenderues Presidentes Osmani per besimin dhe vleresimin. Ky angazhim me jep nje mundesi te shkelqyer per te qene midis Tiranes e Prishtines,me te njejtin angazhim politik e publik ,dhe vullnet per te kontribuar avancimit ne menyre te integruar te interesave tona kombetare e shteterore”, tha ai./Arbresh.info